He mele kēia no ka lei kaumaka kama‘āina
Maluhia i ka pūhala hīnano o Kapunahou
Hi‘ilei aloha a he milimili na ka hulu kupuna
Ua hānai ‘ia a pa‘a me ka ‘ike kūpono

Hui:
Hanohano Hawai‘i i ka lono
Ua kau e ke kama i ka ni‘o
O Maleka ‘Ailana

Ua ‘alo i ka hao nui mai a ka makani kiu
Me ke anu ko‘eko‘e mā‘e‘ele o nā lihi ‘ākau
I ho‘opumehana i ka pūliki o ke aloha
Me nā lei u‘ilani makamae i ka pili ‘ao‘ao

Hui:
Hanohano Hawai‘i i ka lono
Ua kau e ke kama i ka ni‘o
O Maleka  ‘Ailana

Hiehie lua ‘ole ke kūlana o ke alaka‘i
He ali‘i nui leo ‘olu‘olu wale mai nō
Ua kau kehakeha i ka welelau o ka honua
Na ke Akua lani e kia‘i a mālama mau

Hui:
Hanohano Hawai‘i i ka lono
Ua kau e ke kama i ka ni‘o
Ha‘ina ke aloha no Obama
Ka pelekikena e kaulana nei
O Maleka  ‘Ailana

This is a song for you, the esteemed child
Shaded by the hala trees at Kapunahou
Favored one of your grandmother
Raised well with good values and insight

Chorus:
Hawai‘i is honored by the news
A child of this land has ascended to the pinnacle
Of America

Enduring harsh gusts of wind
And the bitter chill of the northern border
Warmth is found in loving embrace
With the cherished beauties by your side (wife, daughters)

Chorus:
Hawai‘i is honored by the news
A child of this land has ascended to the pinnacle
Of America

Elegant is the presence of our leader
The great chief who speaks well of others
You now extend to the far reaches of the world
May God always keep and protect you

Chorus:
Hawai‘i is honored by the news
A child of this land has ascended to the pinnacle
This is an expression of aloha for Barack Obama
Famous president
Of America